Թե կուզեք համարեք ինձ էգոիստ, Ես դա չեմ հերքում...

Սե՞ր... Եկեք լինենք անկեղծ. Ես ճանաչում եմ միայն մի տեսակի սեր` սեր ինքս իմ հանդեպ: Ամենից շատ սիրում եմ ինքս ինձ, թե կուզեք համարեք ինձ էգոիստ: Ես դա չեմ հերքում...

Չեմ սիրում ձևականություններ: Եղեք անկեղծ, նայեք ինքներդ ձեր աչքերի մեջ և խոստովանեք, որ ամենից շատ կարևորում եք ձեզ ու ձեր էգոն: Միևնույն է հոգու խորքում ամենինչն էլ ձեր անձի համար եք անում: Ասեմ ավելին մենք բոլորս էլ սիրում ենք ինչոր մեկին՝ հենց մեզ բավարարելու համար: Չէի՞ք մտածել այդ ուղղությամբ, դե հիմա կարող եք մտածել, ու մի՛ փորձեք հերքել, կամ արդարանալ իբր դուք բացառություն եք կազմում: Ո՛չ, դուք ամենինչն էլ միայն ձեր համար եք անում, անգամ սիրում եք ձեր համար: ԷԳՈԻՍՏՆԵՐ ԵՔ, ուրիշ ոչինչ:
Սիրեմ ո ՞ ւմ կամ ի ՞ նչ...
Բարեկամների՞ս, ես չեմ հասկանում բարեկամ ասվածը: Բարեկամներ գոյություն չունեն դա ընդհամենը իլյուզիա է:
Հայրենի՞քս. Ինձ համար հայրենիք գոյություն չունի: Ես ուղակի երկրացի եմ: Ես հայրենիք չունեմ, ու ընդհանրապես չեմ հասկանում հայրենիք ասվածը: Ինձ համար գոյություն չունեն սահմաններ: Ատում եմ, երբ մարդիկ ասում են, թե այսքան հողը իրենց է պատկանում, իսկ այն մյուս հողը մյուսին: Ո ՛ չ, ոչ թե հողն է ձեզ պատկանում, այլ այդ դուք եք հողին պատկանում...
Գեղեցի՞կը. Գեղեցիկը հարաբերական է: Սակայն վստահ կարող եմ ասել, որ սիրում եմ այն. Ինչը քեզ համար տգեղ է:
Ոսկի՞ն. Ատու՛մ եմ ոսկին: Չեմ հասկանում այն մարդկանց, ովքեր ոսկին կապում են երջանկության հետ: Ոսկին ուղակի մետաղի տեսակ է, ինչպե ՞ ս կարող է այն ինձ երջանկություն բերել: Երջանկությունը ոսկու մեջ չեմ տեսնում...
-Հապա ի՞նչն ես սիրում դու, արտասովոր օտարական:
-Սիրում եմ միայն ինձ, և կպատասխանեմ նաև քո փոխարեն` Դու էլ ես սիրում միայն քեզ...